भुवनेश्वर (ओडिशा): लष्करी अधिकाऱ्यावर प्राणघातक हल्ला करून आणि त्याच्या होणाऱ्या पत्नीचा पोलिस ठाण्यात लैंगिक छळ झाल्याची घटना समोर आल्यानंतर एकच खळबळ उडाली. यानंतर ओडिशा पोलिसांनी भरतपूर पोलिस स्टेशनचे प्रभारी निरीक्षक (आयसीसी) दिनकृष्ण मिश्रा, उपनिरीक्षक बैसालिनी पांडा, सहायक उपनिरीक्षक सलिलामोयी साहू आणि सागरिका रथ आणि कॉन्स्टेबल बलराम हांडा यांना निलंबित केले आहे.
पीडित युवतीच्या म्हणण्यानुसार, पोलिस ठाण्यातील पोलिसांनी 15 सप्टेंबर रोजी लष्करी अधिकारी असूनही लॉकअपमध्ये बंद केले. पीडितेने विरोध केला असता त्याला मारहाण करून हात पाय बांधण्यात आले. एका पुरुष अधिकाऱ्याने अंतर्वस्त्र काढले. त्यानंतर छातीवर लाथ मारली. तेवढ्यात प्रभारी निरीक्षक आले. त्याने पीडितेची पॅन्ट खाली खेचली. त्यानंतर त्याचे प्रायव्हेट पार्ट दाखवून अश्लील बोलले. पीडित युवतीने 19 सप्टेंबर रोजी उच्च न्यायालयातून जामीन मिळाल्यानंतर त्यांनी हा खुलासा केला आहे.
पीडित युवती रविवारी रात्री 1 वाजण्याच्या सुमारास रेस्टॉरंट बंद करून आर्मी ऑफिसरसोबत घरी परतत होती. वाटेत काही युवकांनी त्यांचा मार्ग अडवण्याचा प्रयत्न करून त्रास देण्यास सुरुवात केली. पोलिसांकडे तक्रार करण्यासाठी आणि मदत मागण्यासाठी त्यांनी भरतपूर पोलिस ठाणे गाठले. त्यांनी तक्रार देण्याचा प्रयत्न केला असता सिव्हिल ड्रेसमध्ये उपस्थित असलेल्या महिला पोलिसाने त्यांना शिवीगाळ करण्यास सुरुवात केली. काही वेळाने आणखी काही पोलिस गस्तीवर असलेल्या वाहनातून पोलिस ठाण्यात पोहोचले.
पीडित युवती म्हणाली, ‘मग काय झाले माहीत नाही, त्यांनी आर्मी ऑफिसरला लॉकअपमध्ये बंद केले. लष्कराच्या अधिकाऱ्याला ते ताब्यात ठेवू शकत नाहीत, हे बेकायदेशीर आहे, असे मी म्हटल्यावर दोन महिला पोलिस कर्मचाऱ्यांनी माझे केस पकडून बेदम मारहाण करण्यास सुरुवात केली. एका महिला पोलिसाने माझी मान पकडण्याचा प्रयत्न केला तेव्हा मी तिचा हात चावला. यानंतर त्यांनी माझे हात माझ्या जॅकेटने बांधले. माझे पाय एका लेडी कॉन्स्टेबलच्या स्कार्फने बांधलेले होते. काही वेळाने एक पोलिस अधिकारी आला. त्याने माझी अंतर्वस्त्रे काढली आणि माझ्या छातीवर लाथ मारू लागला. सकाळी सहाच्या सुमारास प्रभारी निरीक्षक आले. त्याने माझी पॅन्ट खाली ओढली. त्यानंतर त्याने त्याची पॅन्ट खाली खेचली, त्याचे प्रायव्हेट पार्ट दाखवले आणि अश्लील बोलले. यावेळी मी मदतीसाठी जोरजोरात ओरडत होते.
दरम्यान, वैद्यकीय तपासणीत पीडितेचा शारीरिक छळ झाल्याची पुष्टी झाली असून तिच्यावर सध्या एम्स-भुवनेश्वरमध्ये उपचार सुरू आहेत. वैद्यकीय तपासणीत तिच्यावर शारिरीक अत्याचार झाल्याची पुष्टी झाली आहे. पोलिस महासंचालक वायबी खुरानिया यांनी या प्रकरणाचा तपास गुन्हे शाखेकडे सोपवला आहे.
बिहारचे दबंग ips अधिकारी शिवदीप लांडे कोणत्या पक्षात प्रवेश करणार…
Video : लष्करातील जवान न्यायाच्या लढाईसाठी रस्त्यांवर मागत आहेत भीक…
लव्ह जिहाद! पाकिस्तानातून होमगार्ड जवानाला आला फोन अन् म्हणाला…
कोल्हापुरातील जवानाची अखेर मृत्यूशी झुंज संपली; पत्नी, प्रियकरावर गुन्हा दाखल…
जवानाला घरातून बाहेर पडताच पोलिसांनी अडवून गाडी तपासली अन्…
The post धक्कादायक! आर्मी ऑफिसरच्या होणाऱ्या पत्नीची पोलिस अधिकाऱ्याने काढली अंतर्वस्त्रे अन्… appeared first on पोलीसकाका | POLICEKAKA.