ठाणे : मुरबाडमध्ये एका वायरमनचा मृत्यू झाल्याची घटना सीसीटीव्हीमध्ये कैद झाली आहे. कमलाकर भोईर (वय ५३) असे मृत्युमुखी पडलेल्या वायरमनचे नाव असून, ते रस्त्यावरची वीज सुरू करण्यासाठी खांबावर चढले होते.

यावेळी त्यांना शॉक लागून मृत्यू झाला आहे.

'Crime Reporting' Online अभ्यासक्रम अन् 'कमवा आणि शिका'ची संधी!

मुरबाड नगरपंचायतमध्ये वायरमन कमलाकर भोईर हे कार्यरत होते. याच नगरपंचायत अंतर्गत येणाऱ्या खांबावरील बंद पडलेली लाईट चालू करण्यासाठी ते चढले होते. मात्र, यावेळी बंद केलेला वीज प्रवाह अचानक चालू झाला. कमलाकर भोईर यांना वीजेचा जोरदार शॉक लागला. यानंतर काही क्षणातच ते खांबावरून खाली पडले आणि त्यांच्या डोक्याला जबर मार लागला. या घटनेत त्यांचा जागीच मृत्यू झाला आहे.