गिरीजा गणेश शिंदे असे मृत्युमुखी पडलेल्या चिमुकलीचे नाव आहे. तिच्या मृत्यूमुळे परिसरात हळहळ व्यक्त केली जात आहे.

गिरीजा नेहमीप्रमाणे आपल्या मित्रांसोबत खेळायला गेली होती. खेळताना हातात बाहुली घेऊन ती पळत सुटली. तेवढ्यात तिच्यासोबत खेळत असलेल्या मुलाने सोसायटीचे स्लाइड होणारे गेट ओढले. मात्र या गेटमध्ये बिघाड असल्याने ते गेट थेट गिरिजाच्या अंगावर पडले. हा प्रकार पाहून आजूबाजूच्या मुलांनी शेजारच्यांना आवाज दिला. त्यावेळी आजूबाजूचे लोक पळत आले आणि तिला उचलून दवाखान्यात नेण्याच्या प्रयत्न केला. मात्र त्यापूर्वीच गिरिजाचा मृत्यू झाला होता.

दरम्यान, गिरीजाच्या मृत्यूने कुटुंबियांवर दुःखाचा डोंगर कोसळला असून, परिसरात हळहळ व्यक्त केली जात आहे. घराच्या मालकाने हलगर्जीपणा केल्याचे समोर आल्यास त्याच्या विरोध गुन्हा दाखल केला जाऊ शकतो, अशी माहिती दिघी पोलिसांनी दिली आहे.