जळगाव: चोपडा येथे प्रेमप्रकरणातून प्रियकराने विवाहित प्रेयसीच्या डोक्यात गोळी झाडत स्वतःलाही संपवल्याची धक्कादायक घटना शनिवारी (ता. २८) सकाळी १०:३० वाजण्याच्या सुमारास घडली आहे. सोशल मीडियाच्या माध्यमातून सुरू झालेल्या या प्रेमकथेचा रक्तरंजित शेवट झाला.
या घटनेनं परिसरात खळबळ उडाली आहे.
देवानंद सुभाष धनगर (वय ३५, भामपूर, ता. शिरपूर) असे मृत प्रियकराचे नाव आहे. पोलिसांनी दिलेल्या माहितीनुसार, देवानंद व संबंधित महिलेची काही दिवसांपूर्वी सोशल मीडियावरून ओळख झाली होती आणि त्यातून प्रेमसंबंध निर्माण झाले. गेल्या काही दिवसांपासून ही महिला देवानंद पासून दूर राहत असल्याने त्यांच्यात वाद निर्माण झाला होता. यामुळे देवानंदने शनिवारी तिच्यावर गावठी कट्ट्याने गोळी झाडली व त्यानंतर स्वतःवर गोळी झाडून आत्महत्या केल्याचा प्राथमिक अंदाज चोपडा पोलिसांनी व्यक्त केला आहे. याबाबत मृत प्रियकरावर गुन्हा दाखल करण्यात आला आहे.
पोलिसांच्या उत्कृष्ट तपासाची कहाणी लवकरच पुस्तकातून वाचकांसमोर!शनिवारी सकाळी साडेदहाच्या सुमारास महिलेची मुलगी शाळेतून घरी आल्यानंतर घरात आईचा मृतदेह पाहून तिने आरडाओरड केली. त्यानंतर शेजारी घटनास्थळी धावून आले व पोलिसांना माहिती देण्यात आली. महिलेच्या मागे पती, मुलगा व मुलगी असा परिवार आहे. १२ वर्षांपूर्वी तिचा विवाह चोपडा तालुक्यातील एका गावातील युवकासोबत विवाह झाला होता. लग्नानंतर सगळं सुरळीत सुरु असताना तिची देवानंद याच्याशी ओळख झाली. त्यानंतर त्यांच्यात प्रेमसंबंध निर्माण झाले. प्रेमप्रकरणातून खुनाची ही घटना घडली आहे. घटनास्थळावरून तसे पुरावे मिळाले आहेत. दोघांच्या मोबाइल आणि सोशल मीडिया चॅटवरून इतर तपास करण्याचे काम सुरू आहे, अशी माहिती चोपडा शहर पोलिस निरीक्षक, मधुकर साळवे यांनी दिली आहे.
दरम्यान, महिलेचा १२ वर्षे सुखाने संसार सुरू असतानाच, मात्र सोशल मीडियावर तिची ओळख देवानंद धनगर याच्याशी झाली आणि त्यांच्यात प्रेमसंबंध सुरू झाले. तिने त्याला टाळायला सुरूवात केल्यानंतर त्याने पिस्तुलाने प्रेयसीला संपवले अन प्रेमकहाणीची शेवट झाला.
सोलापूर! एकतर्फी प्रेमातून पत्नीचा छळ, दामपत्याने संपवलं जीवन…
पुणे! प्रेमप्रकरणातून महिलेची आत्महत्या; कागदाचे तुकडे जोडत पोलिसांनी उकललं गूढ…
प्रेमविवाहानंतर सोडली पत्नीने साथ; हृदय पिळवटून टाकणारा शेवटचा व्हिडिओ…
प्रेमविवाहानंतर पत्नीने अश्लिल चाळे करतानाचा व्हिडिओ पाहिला अन्…