नवी दिल्ली : लोधी कॉलनीमध्ये एका नवविवाहित युवतीच्या मृत्यू प्रकरणात नवीन खुलासे समोर आले आहेत. तिसऱ्या मजल्यावरून पडून नवविवाहितेचा मृत्यू झाल्याचे सासरच्यांचे म्हणणे आहे तर माहेरच्या नातेवाईकांचा हत्येचा आरोप आहे.
नवविवाहितेच्या मृत्यूने परिसरात खळबळ उडाली असून, याबाबत पोलिस पुढील तपास करत आहेत.
पोलिसांच्या माहितीनुसार, आकृती सुतार (वय २८) शनिवारी अपार्टमेंटच्या तिसऱ्या मजल्यावरून पडली. रुग्णालयात तिचा मृत्यू झाला. मात्र, कुटुंबीयांनी ही आत्महत्या नसून हत्या असल्याचे म्हटले आहे. आकृती शनिवारी केवळ ऑफिसलाच गेली नव्हती, तर तिने तिच्या सहकाऱ्यांसाठी एक छोटी पार्टी आयोजित केली होती. आकृतीने संध्याकाळी 6 वाजण्याच्या सुमारास तिच्या आईशी संवाद साधला होता आणि त्यावेळी ती पूर्णपणे सामान्य दिसत होती. तिने पार्टीबद्दल सांगितले आणि ती घरी परतत असल्याचेही सांगितले. आकृती एका खासगी कंपनीत सेल्स एक्झिक्युटिव्ह म्हणून काम करत होती आणि तिचे लग्न अडीच महिन्यांपूर्वीच झाले होते. आकृतीच्या कुटुंबीयांनी तिच्या पतीवर आणि सासरच्या मंडळींवर हुंड्यासाठी तिचा छळ केल्याचा आणि तिची हत्या केल्याचा आरोप केला आहे. तिचा नवरा लग्नापासून तिला मारहाण करत होता आणि हुंड्यासाठी सतत तिचा छळ करत होता.
आकृतीची सुरुवातीला अरस्तूची बहीण, अगस्तिका सिक्का हिच्याशी मैत्री होती आणि नंतर तिचे अरस्तूशी संबंध निर्माण झाले. परिणामी, तिचा मृत्यू अत्यंत संशयास्पद परिस्थितीत झाला, ज्याची निष्पक्ष चौकशी होणे आवश्यक आहे. आकृतीचे काका, मनंजय सुतार यांनी सांगितले की, आकृतीने संध्याकाळी 6 वाजण्याच्या सुमारास तिच्या आईशी संवाद साधला होता. दोन तासांनंतर, रात्री 8 वाजण्याच्या सुमारास, तिच्या पतीने फोन करून ती बेपत्ता असल्याची माहिती कुटुंबीयांना दिली. सुमारे 90 मिनिटांनंतर, पालिका कुंजमध्ये एका महिलेचा मृतदेह सापडल्याची माहिती पोलिसांनी त्यांना दिली. पोलिस पुढील तपास करत आहेत.