पोलिसांनी या प्रकरणात आतापर्यंत त्याच्या प्रेयसीसह पाच जणांना अटक केली आहे.

सिधप्पा वाघमारे हा आपली प्रेयसी मेरी जोसेफसोबत वरळीतील एका स्पामध्ये 23 जुलैच्या रात्री होता. याचवेळी त्याच्यावर हल्ला करण्यात आला. या हल्ल्यामध्ये त्याचा मृत्यू झाला. पोलिस तपास करत असताना त्याच्या हत्येमध्ये त्याची प्रेयसी मेरी जोसेफ हिचा हात असल्याचे समोर आले आहे. मेरी जोसेफसोबतच पोलिसांनी या प्रकरणात या स्पाचा मॅनेजर शमशाद अंसारी याला देखील अटक केली आहे, हल्ल्यापूर्वी सीसीटीव्ही बंद केल्याचा त्याच्यावर आरोप आहे. आतापर्यंत या प्रकरणात एकूण पाच जणांना अटक केली आहे.

पोलिसांनी दिलेल्या माहितीनुसार, मेरी जोसेफचा देखील या हत्याप्रकरणात सहभाग आहे. 23 जुलै रोजी जेव्हा आरोपी मोहम्मद फिरोज अंसारी आणि साकिब अंसारी यांनी स्पामध्ये घुसून सिधप्पा वाघमारे याची हत्या केली. गुरु वाघमारे याची प्रेयसी मेरी जोसेफ हिने देखील त्यांना मदत केली. या संपूर्ण प्रकरणाचा मास्टरमाईंड असलेला स्पाचा मालक संतोष शेरेकर याला देखील तिनेच सकाळी फोन करून काम झाल्याचे सांगितले. या स्पाचा मॅनेजर असलेला शमशाद अंसारी उर्फ सूरज हा वाघमेरेच्या हत्येच्या पूर्वी काही वेळ आधीच आपल्या दोन स्टाफसोबत स्पाच्या बाहेर पडला होता. मात्र जाताना त्याने सीसीटीव्ही बंद केल्याचे देखील पोलीस तपासात समोर आले आहे. त्याला देखील अटक केली असून, पुढील तपास सुरू आहे.