ప్రధాని కొత్త ఆఫీస్ నుంచి 4 కొత్త పథకాలకు శ్రీకారం..

140 కోట్ల భారతీయుల ఆకాంక్షలకు ప్రతిరూపం సేవాతీర్ధ్‌.
స్టార్టప్‌ ఇండియా 2.0 కోసం 10 వేల కోట్లతో కార్పస్‌ ఫండ్‌.
సకాలంలో వైద్యం అందక ప్రాణం పోకూడదన్న ఉద్దేశ్యంతో 1.5లక్షల వరకు నగదు రహిత వైద్యం.

లఖ్పత్ దీదీలకు 6 లక్షలు పెంచేందుకు యత్నం.
ప్రారంభం వ్యవసాయ మౌలిక సదుపాలయ నిధి రెట్టింపు' చేస్తున్నట్లు ప్రధాని మోదీ తెలిపారు.

ప్రధానమంత్రి నరేంద్ర మోదీ ఢిల్లీలో 'సేవా తీర్థ' సముదాయాన్ని ఫిబ్రవరి, 13న ప్రారంభించారు.
ఇది ప్రధాని కొత్త కార్యాలయంగా పనిచేస్తుంది. ఈ కొత్త కార్యాలయం నుండి ప్రధాని మోదీ తీసుకున్న మొట్టమొదటి నిర్ణయాలు రైతులు, మహిళలు, యువత మరియు సామాన్యుల సంక్షేమమే ధ్యేయంగా ఉన్నాయి.

ప్రమాద బాధితుల కోసం ఈ వినూత్న పథకాన్ని ప్రధాని ఆమోదించారు.
దీని కింద ప్రమాదానికి గురైన వారికి 1.5 లక్షల రూపాయల వరకు నగదు రహిత (Cashless) చికిత్స అందుతుంది.
తక్షణ వైద్య సహాయం అందక ఏ ఒక్క ప్రాణం పోకూడదనే ఉద్దేశంతో ఈ నిర్ణయం తీసుకున్నారు.

మహిళా సాధికారత దిశగా ప్రభుత్వం పెద్ద అడుగు వేసింది.
ఇప్పటికే 3 కోట్ల మంది మహిళలను 'లఖ్ పతి దీదీలు'గా మార్చాలనే లక్ష్యాన్ని ఏడాది ముందే చేరుకున్నారు.
ఇప్పుడు ఈ లక్ష్యాన్ని రెట్టింపు చేస్తూ, మార్చి 2029 నాటికి 6 కోట్ల మంది లఖ్ పతి దీదీలను తయారు చేయాలని ప్రధాని నిర్ణయించారు.

రైతుల ఆదాయాన్ని పెంచడానికి మరియు వ్యవసాయ రంగాన్ని బలోపేతం చేయడానికి, ఈ నిధిని రెట్టింపు చేశారు.
ఇప్పుడు దీనిని 2 లక్షల కోట్ల రూపాయలకు పెంచుతూ ప్రధాని సంతకం చేశారు. ఇది వ్యవసాయ విలువ ఆధారిత వ్యవస్థను మరింత బలోపేతం చేస్తుంది.

యువతలో నూతన ఆవిష్కరణలను ప్రోత్సహించడానికి 10 వేల కోట్ల రూపాయల మూలధనంతో 'స్టార్టప్ ఇండియా ఫండ్ ఆఫ్ ఫండ్స్ 2.0'ను ఆమోదించారు.
ముఖ్యంగా డీప్ టెక్, తయారీ రంగం మరియు సరికొత్త సాంకేతికతల్లో వస్తున్న స్టార్టప్‌లకు ఇది వెన్నుదన్నుగా నిలుస్తుంది.

"సేవా తీర్థ నుండి ప్రధాని తీసుకున్న ఈ మొదటి నిర్ణయాలు 'సేవా భావాన్ని' ప్రతిబింబిస్తూ, సమాజంలోని ప్రతి వర్గాన్ని స్పృశించేలా ఉన్నాయి."

ఈ నిర్ణయాలు 'నాగరిక్ దేవో భవ' (పౌరుడే దేవుడు) అనే సంకల్పాన్ని పునరుద్ఘాటిస్తూ, 'వికసిత భారత్' నిర్మాణానికి మరింత వేగాన్ని ఇస్తాయని ప్రధాని పేర్కొన్నారు.