मृत महिला पिसवली टाटा नाका परिसरात आपल्या कुटुंबासह राहत होती. या प्रकरणी मानपाडा पोलिसांनी तक्रार नोंद केली आहे.

'Crime Reporting' Online अभ्यासक्रम अन् 'कमवा आणि शिका'ची संधी!

डोंबिवली पूर्व कल्याण शीळ रोडवर विकास नाका परिसरात ग्लोब स्टेट नावाची इमारत आहे. या इमारतीमधील एका कार्यालयात नगीनादेवी मंजिराम ही महिला साफसफाईचे काम करते. नगीनादेवी डोंबिवली पूर्वेतील पिसवली परिसरात राहते. तिला एक मुलगा आणि एक मुलगी आहे. मंगळवारी दुपारच्या सुमारास नगीनादेवी तिच्या सहकाऱ्यांसोबत इमारतीच्या तिसऱ्या मजल्यावर जिन्याजवळ बसली होती. ती बसली असताना तिचा सहकारी तिच्यासोबत मस्करी करीत होता. याच दरम्यान तिच्या सहकाऱ्याचा हात तिला लागला आणि तोल गेल्याने क्षणार्धात नगीनादेवी तिसऱ्या मजल्यावरुन खाली पडली.

याचवेळी तिच्यासोबत मस्ती करणारा बंटी नावाच्या तरुणाचाही तोल गेला, मात्र त्याला आजूबाजूला उभे असलेल्या लोकांनी वाचवले. या प्रकरणाची माहिती मिळताच मानपाडा पोलिस घटनास्थळी दाखल झाले. या प्रकरणी मानपाडा पोलिसांनी तक्रार नोंद करत पुढील तपास सुरु केला आहे. महिलेच्या अकस्मात मृत्यूमुळे खळबळ माजली असून नागरिक हळहळ व्यक्त करत आहेत. मानपाडा पोलिसांनी या प्रकरणाचा तपास सुरु केला आहे.