भारताचा ७८ वा स्वातंत्र्यदिन आज (गुरुवार) देशभरात मोठ्या उत्साहात साजरा केला जात आहे. पंतप्रधान म्हणून मोदींनी ११व्यांदा लाल किल्ल्यावर तिरंगा फडकवला. देशवासियांच्या नावाने संबोधित करताना पंतप्रधान मोदींनी विकसित भारत २०४७ या मुद्द्यावर जोर दिला. भाषणाच्या सुरुवातीलाच पंतप्रधान मोदींनी देशाच्या स्वातंत्र्यासाठी प्राणांची आहुती देणाऱ्या वीरांचे स्मरण केले. आज शुभवेळ आहे, देशासाठी प्राणांची आहुती देणाऱ्यांचे स्मरण करण्याचा दिवस आहे. भारत मातेच्या असंख्य वीर पुत्रांचे स्मरण कऱण्याचा हा दिवस असल्याचेही पंतप्रधान नरेंद्र मोदी यांनी म्हटले आहे.