पोलिसांनी गु्न्हा दाखल केला असून, पुढील तपास करत आहेत.

नवी मुंबईच्या घणसोली परिसरात नवीन विवाह झालेलं जोडपं राहत होतं. सागर कदम आणि सायली लोखंडे असे दोघांचे नाव. दोघांचा प्रेमविवाह झाला होता. परंतु, सागर पत्नीवर संशय घेत होता. मोबाईलवर आलेल्या एका फोनच्या संशयावरून सागरने सायलीला अमानुष मारहाण केली. पोटावर लाथाबुक्क्यांनी मारल्याने सायलीला गंभीर दुखापत झाली. उपचारासाठी तिला रुग्णालयात दाखल करण्यात आलं, तेव्हा पतीवर कोणतीही कायदेशीर कारवाई होऊ नये आणि नव्याने सुरू झालेला संसार टिकावा म्हणून 'मी जिन्यावरून पडून जखमी झाले' असा खोटा जबाब तिने पोलिसांना दिला. परंतू तिची प्रकृती खालावत चालल्यानं तिने पोलिसांना सगळी हकीकत सांगितली. त्यानंतर दोन महिन्यानंतर आता तिचा मृत्यू झाला आहे.