समृद्धी महामार्गावरील कडवंची जवळ ही दुर्दैवी घटना घडली आहे. नागपूरकडून मुबंईकडे जाणाऱ्या ईरटीगा कारला डिझेल भरून विरुद्ध दिशेने येणाऱ्या स्विफ्ट डिझायर कारने जोरदार धडक दिली. हा अपघात इतका भीषण होता की अपघातामध्ये कारचा पूर्णपुणे चुराडा झाला आणि सात जणांचा जागीच मृत्यू झाला. स्विफ्ट कारणे धडक दिल्यानंतर ईरटीका कार आणि स्विफ्ट कार समृद्धी महामार्गाचे बॅरिकेट्स तोडून खाली गेले आहेत. पोलिस घटनास्थळी दाखल झाले असून, पुढील तपास करत आहेत.

शुक्रवारी (ता. २८) रात्री अकराच्या सुमारास स्विफ्ट डिझायर कार क्रं. MH12 MF1856 मध्ये डिझेल भरल्यानंतर विरुद्ध दिशेने नागपूरकडून मुबंईकडे जाणाऱ्या ईरटीका कार क्रं. MH47 BP5478 ला जोरदार धडक दिली. कडवंची गावाजवळ हा अपघात घडला असून, यात सात जणांचा जागीच मृत्यू झाला आहे तर चार प्रवासी गंभीर जखमी आहेत. अपघातातील जखमींना स्थानिकांच्या मदतीने उपचारसाठी जिल्हा सरकारी रुग्णालयात पाठविण्यात आले आहे. पोलिस पुढील तपास करत आहेत.