पुणे: एका 'पीएमपीएल' बस चालकाने बेशिस्त कार चालकाला चांगलीच अद्दल घडवली. संबंधित घटनेचा व्हिडिओ सोशल मीडियावर व्हायरल होत आहे. व्हायरल व्हिडीओमध्ये एक बसचालक बीआरटी मार्गात शिरणाऱ्या कारचालकाला चांगला धडा शिकवला आहे.
पुणे शहरात अनेक ठिकाणी पीएमपीएल बससाठी स्वतंत्र बीआरटी मार्ग तयार करण्यात आला आहे, जेथून फक्त पीएमपीएमल बसला जाण्यास परवानगी आहे. असे असतानाही अनेक दुचाकीस्वार आणि कार चालक थेट बीआरटी मार्गाचा वापर करताना दिसतात. पुणे-नगर महामार्गावरील बीआरटी मार्गातून प्रवास करणाऱ्या बेशिस्त वाहन चालकांना एका पीएमपीएमल बस चालकाने चांगलाच धडा शिकवला आहे. एक बेशिस्त कारचालक आणि रिक्षाचालक बीआरटी मार्गातून प्रवास करत आहे. बेशिस्त वाहनचालक थेट विरुद्ध दिशेच्या लेनमध्ये शिरला. पण समोरून येणार्या पीएमपीएल बसचालकाने त्याचा मार्ग अडवला. एवढंच नाही तर कारचालकाला तशीच कार मागे घ्यावी लागली तर रिक्षाचालक रिक्षा वळवून दुसर्या लेनमध्ये जातो.